Më 3 shtator “Jëpi zë” raportoi se Komuna e Mitrovicës iu ka borxh dikur rreth 200 studentëve që kishin fituar bursë në vitin 2018.
Sic u raportua, Komuna kishte borxh rreth 8 mijë euro, pasi ishin rreth 200 studentë ndaj të cilëve kishte detyrim 420 euro.
Mirëpo, i njëjti student që raportoi rastin, është lajmëruar sërish në “Jëpi zë”. Ai ka thënë se Komuna ua ka paguar gjysmën e borxhit.
“Pershendetje, jam ai studenti qe u ankova per burse dhe ju e postuat problemin tim, desha t’iu informoj se komuna ka paguar gjysmen e borgjit pas publikimit tuaj, faleminderit!”, ka thënë ai.
Sidoqoftë, “Jëpi zë” do të vazhdojë ta përcjell këtë rast, derisa të paguhet i tërë obligimi që Komuna ka ndaj bursistëve.