Një banesë ka marrë flakë para pak minutash në fshatin Tunel i Parë, që gjendet në rrugën Mitrovicë-Shalë e Bajgorës.
Policia e Kosovës e ka konfirmuar rastin për “Jepi zë”, duke sqaruar se nuk ka të lënduar sepse me kohë ishin larguar njerëzit që ishin brenda.
Zyrtarë të policisë nga vendi i ngjarjes i kanë thënë se zjarri është lokalizuar dhe është gati për t’u fikur.
Ndërkohë, për shkaqet që sollën deri tek zjarri akoma nuk dihet. Zjarrfikësit dhe Policia po vazhdojnë të qëndrojnë në vendin e ngjarjes.
LAJMI I FUNDIT: Digjet një banesë në Tunel të Parë, nuk dihet nëse ka njerëz brenda