Kompania Rajonale e Mbeturinave “Uniteti” ka kërkuar nga komunat aksionare rritjen e çmimit për shërbimin e grumbullimit dhe largimit të mbeturinave.
Sipas propozimit të kompanisë, tarifa mujore do të rritej nga 6 euro në 9 euro për konsumatorët.
Për “Jepi zë”, kryeshefja e KRM “Uniteti”, Vesa Broja, ka konfirmuar se kompania ka paraqitur zyrtarisht kërkesën për rritjen e çmimit.
Tashmë pritet që tri komunat aksionare të shqyrtojnë propozimin dhe të marrin vendim lidhur me kërkesën e “Unitetit” për ndryshimin e tarifës së shërbimit.
Nëse miratohet, tarifa mujore për largimin e mbeturinave do të pësojë rritje prej 3 eurosh, nga 6 në 9 euro në muaj.
