Ish-eprorit të Ushtrisë Çlirimtare të Kosovës (UÇK), Haxhi Shala, i njohur si “Komandant Topi”, nuk i është lejuar nga Dhomat e Specializuara të Kosovës të udhëtojë për në Shqipëri me familjen.
Dhomat e Specializuara të Kosovës, përmes një komunikate për media, kanë thënë se një udhëtim i tillë është thelbësisht i papajtueshëm me dënimin e shqiptuar dhe se lirimi me kusht nuk duhet të ndërpritet, përveç rasteve kur ka arsye bindëse ligjore ose humanitare.
“Më 23 qershor 2026, Presidentja Ekaterina Trendafilova refuzoi kërkesën e Haxhi Shalës për të udhëtuar në Shqipëri për një pushim të shkurtër, derisa ai po vuan pjesën e mbetur të dënimit sipas kushteve të vendosura pas lirimit të tij në Kosovë”, thuhet në vendimin e Speciales.
“Topi” akuzohet nga Specialja se së bashku me Sabit Januzi dhe Ismet Bahtijari ka organizuar takime me një dëshmitar, në përpjekje për të ndikuar që ai të tërhiqet nga dëshmia.
