Edhe ato pak parkingje në Mitrovicë, Komuna po ua jep kompanive private të taksive

Publikuar më:

Mitrovica është një nga qytetet që vuan nga mungesa e parkingjeve, pasi ka shumë pak.

Edhe ato që shfrytëzohen si të tilla, janë zgjidhje e përkohshme pasi janë krijuar në një korsi të rrugës, shkruan “Jepi zë”.

Por, ndonëse janë pak, Komuna e Mitrovicës ka zgjedhur që ta zvogëlojë numrin edhe më shumë.

Kjo pasi këtyre ditëve janë vendosur tabelat për rezervimin e disa parkingjeve në pjesën e rrugës afër urës.

Ato i janë dhënë një kompanie që ka parkingje edhe në disa pjesë të rrugës kryesore në pjesën tjetër të qytetit.

Qytetarët janë ankuar në “Jepi zë”, duke thënë se Komuna po punon që t’ua vështirësojë jetën.

Kujtojmë që hapësira më e madhe për parking është pjesa tek Palestra, nga e cila do të largohen veturat sapo të hapet rruga. Kjo do të shkaktojë tollovi të tjera, pasi do të jenë mbi 100 parkingje më pak në qytet.

JU REKOMANDOJMË