Dy persona nga Mitrovica, kanë humbur luftën kundër coronavirusit mëngjesin e djeshëm.
Policia e Kosovës i ka konfirmuar dy vdekjet për “Jepi zë”, duke mos treguar edhe shumë detaje për viktimat.
Gazeta mëson se të vdekurit janë nga Kçiqi i Madh, respektivisht nga Koshtova e Bobit.
I vdekuri i parë është një mashkull nga Kçiqi, me iniciale D.B dhe i lindur në vitin 1940. E vdekura e dytë është femër, me iniciale Z.B dhe e lindur në vitin 1939.
Me keto dy vdekje, Mitrovica çon në 11 numrin e të vdekurve që nga nisja e pandemisë.
Po ashtu, Komuna e Mitrovicës qëndron lartë me numrin e të prekurve. Vetëm sot, u regjistruan 16 raste të reja, ndërkaq dje 26. Mitrovica dje dhe sot ka qenë qyteti i dytë në Kosovë me më së shumti raste të reja./Jepizë