Mitrovica është kthyer në një prej qyteteve më të prekura nga COVID-19.
Brenda shtatë ditëve janë regjistruar 5 vdekje, një nga to sot.
“Jepi zë” ka mësuar se në këto shtatë ditë, janë konfirmuar edhe 80 persona të infektuar.
Vdekjet, siç u raportua nga gazeta, vijnë nga fshatra si Kçiqi, Koshtova, Selaci, Reka e qendra e qytetit.
Ndërkohë që rastet e reja kanë përfshirë të gjitha lagjet dhe thuajse të gjitha fshatrat e Mitrovicës.
Ndryshe, vetëm sot në Mitrovicë me rrethinë janë regjistruar 8 raste të reja dhe një person ka vdekur. Viktima ishte nga qendra e qytetit.