Prej mbrëmë kur Qeveria e Kosovës ndërmori masa për parandalimin e virusit Covid 19, qytetarët janë alarmuar duke blerë produkte ushqimore e farmaceutike me shumicë.
Madje, mbrëmë e po vazhdohet edhe sot të ketë tollovi në shumë markete, farmaci e kompani të miellit.
Shqetësues është fakti që bizneset po përfitojnë nga ky rast – ka ngritje tejet të larta të çmimit sidomos në produktet ushqimore.
Një qytetar ka raportuar tek “Insajder” duke dërguar pamje nga kompania e mullirit në Zhabar të Mitrovicë – ku shihen veturat me qytetarë të cilët presin në radhë për t’u furnizuar.
I njëjti qytetar i ka thënë Insajderit se para se të ndërmerrej vendimi i Qeverisë 50 kilogram miell kanë kushtuar 20 deri në 25 euro, ndërsa sot 50 kg po shiten me çmim prej 80 euro.
“Prej dje janë këto tollovi tek mullini i Zhabarit në Mitrovicë. Para panikes 50 kg miell kanë kushtuar 20 deri 25 euro…. sot 50 kg miell po shiten me çmim prej 80 euro…. kjo nuk është normale”, mesazhi i plotë i qytetarit.
