Para dy netësh, drejtori i Komunës së Mitrovicës, Naser Muja, ka martuar djalin A. Muja, për të cilin ka organizuar edhe ceremoni.
“Jepi zë” ka marrë vesh nga burime brenda Policisë se dasma është mbajtur në Hotel Lux dhe më pas është ndërprerë, pasi nuk lejohet me ligj.
“Zyrtarë policorë me të marrë informacionin, kanë dalë në terren bashkë me inspektoratin. Dasma është ndërprerë, ndërkaq nuk ka pasur të arrestuar”, kanë thënë nga Policia për Jepi zë.
Gazeta ka provuar të flas edhe me drejtorin në fjalë, Naser Mujën, mirëpo ai nuk është përgjigjur në telefonatë e nuk ka kthyer as përgjigje me SMS.
“Jepi zë” kishte siguruar pamje nga dasma që, sipas vendimit të Qeverisë, është shkelje ligjore e dënueshme.
E për veprimin e drejtorit, përveç tij, nuk është deklaruar as kryetari Agim Bahtiri. Shumë qytetarë kanë kërkuar shkarkimin e tij, por i pari i Komunës nuk po përfill as shkeljen e as thirrjet.
Mirëpo, siç dihet publikisht, kryetari Bahtiri e ka të pamundur shkarkimin e drejtorit Muja, pasi e ka mik shtëpie. Djali i kryetarit Bahtiri është i martuar me vajzën e drejtorit.
Ndryshe, në Mitrovicë po vazhdojnë të mbahen dasmat edhe pse nuk lejohet. Inspektorati, sipas informacioneve, ka shqiptatuar edhe gjoba.
