Rreth orës 12:00 të mesditës, qytetari Afrim D., ishte duke ecur rrugën “Mbretëresha Teutë” në Mitrovicë, kur përpara i doli një zyrtar policor.
Ai nuk kishte të vendosur maskë, andaj u ndalua nga zyrtari policor, i cili nuk e la të kalonte edhe aq lehtë, duke i shqiptuar gjobë.
“Jepi zë” ka arritur të sigurojë gjobën dhe momentin kur qytetari u dënua, bashkë me kalimtarin tjetër që ecte me të.
Siç shihet në dokumentin e siguruar, Afrimi u dënua me 70 euro për mosvënie të maskës, që është i obligueshëm në bazë të vendimit të fundit të Qeverisë.
Dëshmitari i ka thënë gazetës se sjellja e qytetarit që u dënua ishte e mirë, dhe nuk kishte hezituar ta pranonte gjobën. Ndërkohë, sjelljen e policit e konsideron korrekte dhe dënimin si të domosdoshëm.
Sidoqoftë, Policia deri tash nuk ka shqiptuar edhe shumë gjoba, pasi ka aplikuar masën e vërejtjes për qytetarët, duke marrë emrin e shkelësit dhe duke e future në një sistem vërejtjesh.
Ndryshe, Kosova tani po regjistron një ulje trendi të të infektuarve, mirëpo niveli i vdekjeve është mjaft i lartë. Vetëm sot kanë vdekur 8 persona.