Kuvendi Komunal i Komunës së Mitrovicës do të mbajë mbledhje të jashtëzakonshme ditën e premtë.
Seanca që do të nis në orën 10:00 është thirrur për të diskutuar lidhur me parregullsitë e konkursit të fundit të shpallur nga Drejtoria e Arsimit, e për të cilën kishte raportuar “jepi zë”.
Kërkesën për këtë seancë e kishte bërë grupi i asamblistëve të PDK-së, të cilët edhe në seancën e kaluar kërkuan ta fusin si pikë të rendit të ditës.
Ndërkohë, drejtori Egzon Jashari kishte munguar seancën e kaluar.
Ndryshe, “Jepi zë” ka raportuar disa herë dhe kishte ofruar fakte për disa manipulime në konkursin për mësimdhënës.