Fshati Vinarc gjendet në veri të lumit Ibër, por administrativisht ai është brenda Komunës së Mitrovicës Jugore. Në të jetojnë shqiptarë, mirëpo nëpër rrugën e këtij fshati kalojnë mjaft shumë serbë.
E banorët e këtij fshati vërejtën para disa ditësh lëvizje të dyshimta, për çka kishin njoftuar edhe Policinë.
Siç mëson gazeta, një serb dyshohet se ka djegur flamurin e Kosovës dhe Shqipërisë që gjendej në varrezat e fshatit Vinarc.
“Më: 07.06.2020 rreth orës 21:30 SA-Baza ka marrë informacion nga ankuesi K / Shqiptar se në varrezat e fshatit, në fshatin Vinarce NN personi rreth tre-katër ditë më parë i ka vënë flakën flamurit të Republikës së Kosovës dhe flamurit të Republikës së Shqipërisë mbi varret e babait dhe vëllait të ankuesit. thuhet në rapotin e Policisë.
Një banore e këtij fshati ka lajmëruar Policinë, të cilët kanë shkuar në vendin e ngjarjes dhe kanë parë flamujt e djegur. Pas kësaj, ankuesja është dërguar në stacionin e Policisë në veri për deklaratë.
Deri tani dihet se rasti po cilësohet si nxitje e jotolerancës dhe po vazhdon kërkimi për personin e dyshuar.
