Një burrë nga Mitrovica, ka humbur betejën me COVID-19, pasi sot ka vdekur në Spitalin e Vushtrrisë ku po trajtohej.
“Jepi zë” merr vesh se viktima është mashkull me iniciale Sh.A, i lindur në vitin 1960 nga Stan Tërgu.
Vdekjen e tij e kanë konfirmuar burime të gazetës brenda Spitalit të Vushtrrisë, të cilët thonë se trupi është marrë për t’u varrosur.
E varrimi pritet të bëhet këtë pasdite në vendin e lindjes, në Stan Tërg të Mitrovicës.
Me këtë rast, Mitrovica çon në 12 numrin e të vdekurve që nga nisja e pandemisë.
Po ashtu, Komuna e Mitrovicës qëndron lartë me numrin e të prekurve. Vetëm sot, u regjistruan 4 raste të reja, ndërkaq dje 16./Jepi zë
