Sot ka nisur ndërtimi i një pllake përkujtimore për masakrën në Lagjen e Boshnjakëve.
Një familjar i viktimave e ka konfirmuar këtë gjë për “Jepi zë”, duke treguar se ndërtimi i saj ka nisur afër rrethrrotullimit.
Deri tash, një pllakë e thjeshtë ishte vendosur në murin e një ndërtese, dhe Komuna nuk po merrte masa për një memorial më dinjitoz.
Madje, kishte pasur përplasje vitin e kaluar, pasi familjarët kishin ankesa dhe nuk i lejuan komunarët të marrin pjesë në përkujtim.
Tani, me ndërtimin e këtij memoriali, do të kujtohen denjësisht 20 mitrovicasit që u vranë në masakrën më barbare në qytet.