Policia e Kosovës në bashkëpunim dhe koordinim me Prokurorinë Speciale ka zhvilluar një operacion kundër krimit të organizuar që ka rezultuar me arrestimin e një grupi kriminal.
Tetë të dyshuar, ranë në prangat e Policisë, të gjithë të moshave të reja, pasi dyshohen të jenë të përfshirë në vepra të ndryshme penale.
Gazeta Sinjali ka siguruar listën me emrat e tetë të arrestuarve, që dyshohen për: “Pjesëmarrja ose Organizimi i Grupit Kriminal të Organizuar” që lidhen me veprat “ Shkaktim i Rrezikut të Përgjithshëm”, “Zjarrvënie” , “Detyrim” etj.
Lundrim Beqiri, 21-vjeçar
Gentrit Isamjli, 23-vjeçar,
Arianit Pllana, 23-vjeçar
Fidan Cakolli, 19-vjeçar
Egzon Cakolli, 28-vjeçar
Kreshnik Kurti, 34-vjeçar
Diar Raqi, 18-vjeçar
Adnan Murtezi, 26-vjeçar
“Rastet e hetuara dhe në të cilat dyshohet se janë përfshirë personat e dyshuar tani më të arrestuar janë, rasti i datës 19.06.2022, ku rreth orës 02:20 ka ndodhur një zjarrvënie në një lokal në “Dardani” të Prishtinës, ku dyshohej se zjarri ishte shkaktuar nga hedhja e një shisheje me benzinë (koktej molotovi), e cila kishte shkaktuar vetëm dëme materiale.
Po ashtu me datë 22.06.2022, diku rreth orës 03:30, në të njëjtin lokacion afër këtij lokali në Prishtinë ishte hedhur një granatë dore e cila kishte shkaktuar vetëm dëme materiale në tri veturat të cilat ishin të parkuara.
Ndërsa me datën 06.06.2022, diku në ora 03:03, në rrugën “Shemsi Ahmeti” në Mitrovicë ishte hedhur një granatë dore e cila nuk ishte aktivizuar (shpërthyer). Granata në fjalë nga vendi i ngjarjes ishte tërhequr nga njësia përkatëse e PK-së.
Më datë 28.06.2022, diku rreth orës 03:30, në rrugën e Mullirit në Mitrovicë, ishte hedhur një granatë dore e cila kishte shkaktuar vetëm dëme materiale.”
Gjatë operacionit, në cilësi të provave materiale janë sekuestruar:
– Tetë 8 telefona mobilë,
– Një (1) veturë,
– 6.7gramë substancë narkotike (marihuanë), si dhe
– Prova të tjera materiale të cilat shërbejnë në procedurë të mëtejme.
