Para disa ditësh në orët e mëngjesit, Inspektorati ka konfiskuar një sasi të madhe të mishit në një nga mishtoret më të njohura në Mitrovicë (emër i njohur për redaksinë).
I shoqëruar nga Policia, Inspektorati ka bërë konfiksimin e mishit, me ç’rast është hedhur drejt në një kamion të mbeturinave.
Mishtorja në fjalë ka vazhduar me punë pasi Inspektorati nuk e ka mbyllur.
Mirëpo Komuna e Mitrovicës nuk e ka publikuar fare lajmin në faqen zyrtare për dallim nga aksionet në bizneset tjera.
“Jepi zë” ka pyetur Inspektoratin lidhur me këtë “fshehje”, por ata nuk janë përgjigjur.