Jo shumë kohë më parë, një fontanë u përurua nga kryetari i Komunës së Mitrovicës, Agim Bahtiri, duke e paraqitur si një pikë të bukur në qytet.
Mirëpo, ajo nuk po hedh ujë përpjetë, e madje as nuk po pastrohet, shkruan “Jepi zë”.
Nga fotografitë që gazeta ka siguruar, shihen një ndotje e madhe në këtë fontanë që gjendet në mes të sheshit të qytetit.
Madje, brenda ujit që shihet se nuk është pastruar prej kohësh, shihen edhe pëllumba të ngordhur.
Ndryshe, janë disa pjesë të sheshit të Mitrovicës ku janë investuar mijëra euro, mirëpo që janë në gjendje të rëndë.