Asamblisti nga Mitrovica, Jeton Ujkani, ka lëshuar një shtëpi për të prekurit nga tërmeti në Shqipëri.
Ai ka thënë se shtëpia ka katër dhoma dhe gjendet në fshatin Vinarc të Mitrovicës.
Ujkani bën thirrje që, kushdo që e di se kush ka nevojë, le ta kontaktojë.
Postimi i plotë:
Më lejoni të shprehë ngushëllimet më të sinqerta për jetët e humbura sot në Shqipëri.
Miq dhe dashamirë, sipas mundësive të mia unë lëshoj shtëpinë me katër dhoma e mobiluar për ndonjë familje e cila ka nevojë dhe është prekur nga tragjedia e sotme. Shtëpia gjendet në Vinarc , Mitrovicë.
Të gjithë ju që mund të njihni dikë, autoritetet lokale apo kushdo që e njeh dikë që ka nevojë, ju lutem mos hezitoni të më kontaktoni.
