2020 erdhi e me këtë po afrohen edhe zgjedhjet e brendshme të Lëvizjes Vetëvendosje, që parashihet të mbahen në mars.
Dega e kësaj partie në Mitrovicë ka një prej garave më interesante, pasi prurje në parti është kreu i Komunës i cili është përplot ambicie.
Siç mëson “Jepi zë”, Agim Bahtiri ka nisur punën që në zgjedhjet e brendshme të kandidojë për kryetar të Degës, duke ia marrë kështu pozitën nënkryetarit të Komunës, Faruk Mujkës, që ka qenë në krye të kësaj dege prej disa vitesh.
Kjo garë e Bahtirit po konsiderohet e pashmangshme nga disa burime brenda VV-së, të cilat thonë se kryetari aktual i qytetit do të garojë sërish për mandatin e tretë dhe, sipas tyre, parakusht është të dalë fitues në parti.
Sidoqoftë, këto zgjedhje, përveç për postin e kryetarit, pritet të sjellin turbulenca pasi shumë anëtarë kanë shfaqur ambicie për të marrë pozita, sidomos tani kur VV-ja do ta krijojë Qeverinë.
E një çarje në këtë parti veçse ka nisur, pasi disa asamblistë i kanë dalë doresh Faruk Mujkes e Agim Bahtirit, madje edhe publikisht.