Trendit të ngritjes së çmimeve, si duket, po i bashkohen edhe berberët dhe frizerët në vend.
Kohëve të fundit, në disa komuna të Kosovës është vërejtur një rritje e konsiderueshme e çmimeve për shërbimet e prerjes së flokëve, që sipas disa pronarëve të salloneve vjen si pasojë edhe e shtrenjtimit të energjisë elektrike.
Në Mitrovicë, qytetarët thonë se çmimi për një prerje flokësh ka arritur deri në 5 euro, çka për disa përbën një kosto të lartë krahasuar me të kaluarën.
Një qytetar i revoltuar ka treguar për “Jepi Zë” se tashmë po mendon alternativa për të kursyer: “Tepër shtrenjtë – s’ke tjetër zgjidhje, ose me i rrit flokët e me i pre më rrallë, ose me ble një makinë flokësh e me u msu vetë me i qeth.”
Rritja e çmimeve po bëhet gjithnjë e më e ndjeshme në shërbimet bazë të përditshmërisë, për të cilat qytetarët nuk po gjejnë gjithmonë mbështetje apo alternativa të përballueshme./Jepi Zë