Fisnik Muharremi i njohur si “Fisi”, ishte ndër furbollistët më përspektivë të Kosovës.
Qytetarët e Mitrovicës i mbajnë mend paraqitjet e tij për KF Trepça ’89, ku në një konkurencë shumë të fortë, ai arrinte të zinte vend në formacionin e parë.
Fisi përveç talentit kishte një kulturë të lartë dhe sjellje shumë të mirë, shkruan Jepi zë.
Vdekja e tij kishte trondiur të gjithë qytetin e Mitrovicës, pasi ishte shuar një yll i futbollit që po vinte në skenë.
Jo vetëm familja e bashkëlojtarët e përjetuan rëndë vdekjen e tij, por të tronditur dhe në vaj ishin edhe grupi i tifozëve “Torcida”.
Vitet tani po ecin, por kujtimi për Fisin mbetet tek qytetarët e Mitrovicës. Njëra ndër lagjet më të mëdha dhe më të organizuara në Mitrovicë, Gorimahalla për çdo vit e përkujtojnë Fisin.
Fisnik Muharremi ishte operuar në Prishtinë, por pa sukses, ndërkohë që mjekët kosovarë i kishin preferuar trajtim jashtë vendit. Në shkurt të këtij viti, ai është operuar në Gjermani. Megjithatë, Fisi i la të gjithë pas një beteje të ashpër me sëmundjen.
Sot atë e ka përkujtuar edhe vëllau i tij Ferid Muharremi, duke bashkangjitur një fotografi me të birin, tek varri i Fisit.
“Do te kujtojme gjithmone si te buzeqeshur, te sinqert e shume te dashur per te gjithe, Na mungon shume 9 vite pa prezencën tënde por ne zemer dhe mendje te kem gjithmon vllau im”, shkruan vëllai./Jepize.com
