Një grua nga Mitrovica që po trajtohej pas infektimit me COVID-19, ka vdekur sot rreth orës 4 të mëngjesit.
“Jepi zë” ka mësuar se ajo ishte e lindur në vitin 1971, dhe ka iniciale K.G.
Sipas burimeve, gruaja në fjalë jetonte në Zhabarë të Mitrovicës, dhe ishte duke u trajtuar në Klinikën infektive në QKUK. Mësohet se varrimi i saj u bë para pak minutash nga familjarët.
E kjo vdekje çon në 22 numrin e të vdekurve në Mitrovicë që nga nisja e pandemisë.
Por, këto shifra nuk po frikësojnë qytetarët e Mitrovicës, të cilët në numër të madh vazhdojnë të dalin pa maska.
Në Mitrovicë, po ashtu është evidentuar se nuk po respektohen masat si distanca sociale dhe maskat në ambiente të brendshme.