Ndonëse është një prej qendrave kryesore, Mitrovica nuk do të përfaqësohet me asnjë ministër në Qeverinë e Albin Kurtit.
Sic u raportua sot, në listat me emrat e ministrave që pritet të votohen nesër, nuk figuron asnjë nga Mitrovica.
Mirëpo, politikanët nga Mitrovica duket se do t’i gëzojnë dy pozita të zëvendësministrave, emrat e të cilëve janë të njohur për redaksinë.
“Jepi zë” mëson se një zëvendësministër do të jetë nga LDK-ja dhe një tjetër nga VV-ja, mirëpo për ta do të konfirmohet gjithcka nesër.
Sidoqoftë, vlent të theksohet se Qeveria Kurti do të ketë vetëm 33 zëvendësministra, dhe konkurrenca ka qenë mjaft e ashpër.