Instituti Kombëtar i Shëndetësisë Publike i Kosovës ka thënë se gjatë ditës së sotme në Laboratorin e Mikrobiologjisë molekulare janë testuar 7 mostra që u morën nga persona që po dyshohen për koronavirus.
IKSHPK jep lajmin e mirë, duke konfirmuar se këto shtatë raste kanë dalë negative.
“Pas analizave të kryera, të 7 (shtatë) rastet e testuara kanë rezultuar negative. Sikurse edhe ditëvë të kaluara, MSh dhe IKSHPK do ta njoftojnë në kohë reale publikun për rastet e testuara për Koronavirus dhe rezultatet e tyre”, thonë ata.
Sidoqoftë, sot gjatë ditës disa media raportuan me burime lidhur me një rast të prekur me koronavirus, mirëpo lajmi u demantua.
Ndryshe, Shqipëria është prekur mjaft shumë, duke u regjistruar viktima e parë nga virusi.
