Një rriskë e sallamit ishte e pamundur t’i largohej nga fyti njëvjeçarit nga Skenderaj, për t’ia mundësuar frymëmarrjen.
Kishte ende shenja jete, prandaj edhe ishte dërguar me urgjencë në Qendrën e Mjekësisë Familjare.
Kështu një foshnje 14 muajsh nga Polaci i Skenderaj, i kishte mbetur diçka në fyt. Kjo i shkaktoi vështirësi në frymëmarrje, e për këtë u mor në trajtim të menjëhershëm.
Por, ato pjesë të sallamit ishte e pamundur të largohen për të liruar frymëmarrjen e foshnjës.
Për rastin u informua edhe Policia e Kosovës. Zëdhënësi i Policisë në Mitrovicë, rajon ky që i takon komuna e Skenderajit, nuk ka dhënë shumë detaje për këtë rast.
Ai ka njoftuar se trupi i pajetë i njëvjeçarit është dërguar për obduksion.
E familja e fëmijës tashmë kanë hapur të pamën. Edhe ata konfirmuan se ishte një copë sallami, ajo që i mori jetën fëmijës, por që për shkak të gjendjes emocionale nuk pranuan të dalin para kamerës.