Një person është vrarë pasditen e sotme në fshatin Novosellë të Pejës.
Mësohet se viktima dhe dorasi ishin familjarë mes vete, më konkretisht djem të axhës.
Po ashtu, mësohet se viktima është Bashkim Brahimaj kurse i dyshuari Faton Brahimaj.
Siç merr vesh gazeta, vrasja dyshohet se ka ndodhur për motive pronësore. Rastin e vrasjes e konfirmuan edhe nga policia rajonale në Pejë.
“Rreth orës 14 e 40 minuta policia është njoftu për një vrasje në fshatin Novosellë . Menjëherë policia ka arritur në vendin e ngjarjes. Me të arritur aty ka hasur në një person të shtrirë. Është njoftu emergjenca, ka dalë në vend të ngjarjes. Mjeku kujdestar ka konstatu vdekjen. I dyshuari është në arrati dhe po kërkohet. Në vend të ngjarjes kanë dalë të gjitha njësitet relevante po ashtu edhe prokurori i shtetit. Nuk dihet ende për motivet, këtë do ta tregojnë hetimet”, ka deklaruar zëdhënësi i policisë rajonale në Pejë, Fadil Gashi.
