Borë e madhe ka mbuluar rajonin e Shalës së Bajgorës, duke izoluar disa fshatra.
Fotografitë vijnë nga fshati Kovaçiqë, rrugët e të cilit janë të pakalueshme nga veturat e zakonshme, shkruan “Jepi zë”.
Një fshatar i ka thënë gazetës se rrugën e kaloi vetëm falë një xhipi të madh që tërheq me katër rrota. Ai kërkoi të pastrohen rrugët pasi, siç tha ai, edhe me xhip mezi kalohet.
Ndërkohë, sot u raportua edhe për fshatra të tjera që kanë mbetur me rrugë të bllokuara, me ç’rast dhjetëra familje janë izoluar.
Ndryshe, Komuna e Mitrovicës ka provuar ta hap rrugën disa herë, mirëpo rrugët vazhdojnë të bllokohen.