Pas disa orësh bllokimi dhe pritjesh të gjata, është normalizuar qarkullimi në pikëkalimin kufitar mes Kroacisë dhe Serbisë.
Mërgimtarët tashmë po lëvizin lirshëm drejt Kosovës, pasi autoritetet e të dyja vendeve kanë hapur kufirin dhe kanë lejuar vazhdimin e qarkullimit të automjeteve dhe autobusëve.
Kolonat e gjata të krijuara gjatë ditës kanë nisur të shpërbëhen, ndërsa pritet që fluksi i madh i mërgimtarëve të vazhdojë edhe në orët në vijim.
