1-shi në fushë, 1-shi në qytet, 1-shi kudo.
Portieri nga Mitrovica më i miri në Kosovë, i shpallur edhe zyrtarisht në vitin 2012.
Kampion me skuadrën e tij, fitues i kupës e supërkupës, pjesëmarrës edhe në Ligën e Kampionëve, shkruan Zëri i Mitrovicës
Me pritjet e tij në stilin e Manuel Neuer, gëzoi shpesh zemrat e sportdashësve në Mitrovicë, duke shpëtuar skuadrën e tij nga golat e sigurta e duke kontribuar në fitore të shumta.
Fjala është për Enis Manxhollin, personaliteti që sot gëzon respektin kudo në Mitrovicë, për sjellje, cilësi, kulturë dhe pregaditje të lartë sportive dhe shkollore.
Historia do ta shënoj si portierin e papërsëritshëm që ka pasur qyteti buzë Ibrit.