Në Suharekë, brenda një periudhe të shkurtër kanë ndodhur disa vjedhje të rënda, përfshirë edhe tri barnatoret në këtë qytet.
Rastet ishin raportuar në polici, të cilët edhe kanë kapur kryesin e vjedhjeve.
I dyshimti K.I i lindur në vitin 1999, nga Shipoli i Mitrovicës, është ndaluar dhe arrestuar nga policia në Suharekë.
Gjatë verifikimit në sistemin policor i dyshimti ka dalë se ai ka kryer edhe shumë vepra tjera të ngjashme.
Për rastin është informuar prokurori i Shtetit, i cili e ka dërguar të dyshimtin në mbajtje 48-orëshe.
Ndryshe, edhe në Mitrovicë mbrëmë ndodhi një grabitje e armatosur, ku persona të dyshimtë vranë një person gjatë grabitjes.