Ndalet puna në minierën e Trepçës, minatorët nuk duan të punojnë pa u liruar Rafet Ibishi- paralajmërohet nisja e grevës

Publikuar më:

Puna në minierën e Trepçës në Stan Tërg të Mitrovicës është ndalur krejtësisht, këtë e kanë konfirmuar burimet e Jepi zë brenda ndërmarrjes.

Minatorët po refuzojnë të punojnë pasi, ish u.d. kryeshefit Rafet Ibishi, dhe disa punëtorë tjerë janë arrestuar nga Policia e Kosovës.

Kërkesa e minatorëve është që të lirohet nga paraburgimi Ibishi dhe punëtorët tjerë, shkruan Jepi zë.

Minatorët kanë paralajmëruar se në rast të mos lirimit të këtyre punëtorëve, do të fillojnë grevën qysh nga dita e nesërme.

Ndryshe arrestimi dhe përjashtimi i këtyre personave ka ardhur pasi, dy ditë më parë disa persona ishin futur në zyret e menaxhmentit të Trepçës dhe kishin sulmuar kryeshefin e ri të ndërmarrjes, Enis Abdurrahmani dhe drejtorin e administratës Besim Haxhiu.

JU REKOMANDOJMË