Një incident ka ndodhur dje rreth mesditës në rrugën “Sylejman Vuqitërna”.
Një person ua ka drejtuar armën disa të tjerëve, duke i kërcënuar, shkruan “Jepi zë”.
Mirëpo, as viktimat nuk qëndruan duarkryq. Ata kapën sakicën dhe sulmuan personin me armë.
Rastin për “Jepi zë” e ka konfirmuar zëdhënësi i Policisë, Avni Zahiti.
“Rr. Sylejman Vuqiterna, Mitrovicë 07.05.2021 – 13:13. Është arrestuar një i dyshuar mashkull kosovar pasi që i njëjti ka tentuar ta sulmojë me revole viktimën mashkull kosovar. Gjatë përleshjes viktimat kanë sulmuar të dyshuarin duke i shkaktuar lëndime trupore”, ka thënë Zahiti.
Ndërkohë, personi i dyshuar ka përfunduar në spital nga plagët që mori nga sakica.
