Një 13-vjeçar u padit dhe u dërgua në paraburgim pasi kishte vrarë babain e tij me një plumb në kokë.
Sipas mediave të huaja, viktima është një 33-vjeçar me prejardhje nga Kosova, transmeton rtv21.tv.
Pas një debati të dhunshëm mes prindërve të tij, të enjten rreth në shtëpinë e familjes në Nancy të Francës djali 13-vjeçar shkoi për të kërkuar një pistoletë në dhomën e prindërve. Ai pranoi se kishte hyrë në kuzhinë dhe kishte qëlluar babanë e tij në kokë.
I dyshuar, i cili e kishte fshehur armën në një kaçube pranë shtëpisë së familjes, kishte ikur me një nga vëllezërit e tij 12-vjeçarë. Dy të rinjtë më në fund iu dorëzuan policisë mëngjesin e së premtes. Sipas deklaratave të nënës dhe dy djemve të saj, “viktima kishte pirë shumë alkool dhe ishte agresiv ndaj gruas së tij”. Mjeku që e ekzaminoi, megjithatë, nuk gjeti asnjë gjurmë të dhunës fizike, sipas të njëjtit burim.
Adoleshenti aktualisht është në paraburgim në një repart për të mitur. Katër vëllezërit e motrat e tij janë vendosur përkohësisht në mbikëqyrje.