Biznesmeni Skënder Krasniqi është dënuar me 3 vite e 5 muaj burg efektiv për vrasjen e të birit, Albert Krasniqi.
Gjykata Themelore në Prishtinë ka njoftuar se sot ka marrë këtë aktgjykim dënues për veprën penale “Vrasje nga pakujdesia”, shkruan “Jepi zë”.
“Gjykata Themelore në Prishtinë – Departamenti i Përgjithshëm Penal ka shpallur aktgjykimin kundër të akuzuarit S.K për veprën penale Vrasja nga pakujdesia nga neni 175 të Kodit Penal të Republikës së Kosovës. I akuzuari S.K është shpallur fajtor dhe është dënuar me burgim në kohëzgjatje prej prej tre (3) vite e pesë (5) muaj, i cili dënim do të ekzekutohet në afat prej 15 ditësh nga plotfuqishmëria e këtij aktgjykimi. Koha e kaluar nën masën e paraburgimit për të pandehurin do të llogaritet në dënimin e shqiptuar me burgim prej datës 27.01.2021”, thuhet në njoftimin e gjykatës.
Duhet kujtuar se Alberti ishte qëlluar me plumb në pjesën e përparme të trupit nga babai i tij, Skënderi, i cili vet kishte njoftuar Policinë.
Atë kohë, familja pati kërkuar lirimin e babait pasi, sic thonin ata, vrasja ishte kryer nga pakujdesia, shkruan “Jepi zë”.
Ky është njoftimi i plotë i Gjykatës:
Gjykata Themelore në Prishtinë ka shpallur aktgjykimin kundër të akuzuarit S.K për veprën penale Vrasja nga pakujdesia
Prishtinë 07 dhjetor 2021 – Gjykata Themelore në Prishtinë – Departamenti i Përgjithshëm Penal ka shpallur aktgjykimin kundër të akuzuarit S.K për veprën penale Vrasja nga pakujdesia nga neni 175 të Kodit Penal të Republikës së Kosovës.
I akuzuari S.K është shpallur fajtor dhe është dënuar me burgim në kohëzgjatje prej prej tre (3) vite e pesë (5) muaj, i cili dënim do të ekzekutohet në afat prej 15 ditësh nga plotfuqishmëria e këtij aktgjykimi. Koha e kaluar nën masën e paraburgimit për të pandehurin do të llogaritet në dënimin e shqiptuar me burgim prej datës 27.01.2021.
Të pandehurit S.K i vazhdohet masa e paraburgimit deri në plotfuqishmëri të këtij aktgjykimi por jo më gjatë se dënimi i shqiptuar me burgim sipas aktgjykimit të shpallur nga kjo Gjykatë.
Kundër këtij aktgjykimi, palët kanë të drejtë ankese në Gjykatën e Apelit, përmes kësaj gjykate.