Mbështetja për kandidatin e PDK-së për Kryeministër të Kosovës, Bedri Hamza, po rritet çdo ditë. Kjo u theksua edhe në takimin e zhvilluar në Gjakovë, ku dega e Partisë Demokratike të Kosovës shprehu mbështetjen e saj për kandidaturën e tij.
Kandidatja për deputete, Vesa Broja, e pranishme në këtë aktivitet, falënderoi degën e PDK-së në Gjakovë për mikpritjen e ngrohtë dhe theksoi nevojën për një lidership të vendosur që do ta çojë Kosovën drejt një të ardhmeje të sigurt dhe dinjitoze për të gjithë qytetarët.
“Kjo është koha për ndryshime dhe për një udhëheqje të fuqishme që do të garantojë një të ardhme më të mirë për vendin tonë,” u shpreh ajo.
