Më 19 janar, me rastin e festës së Epifanisë, në Liqenin e Ujmanit (Gazivodë) pritet të organizohet zhytja tradicionale për Kryqin e Shenjtë, një ngjarje fetare që mbledh çdo vit një numër të madh pjesëmarrësish dhe vizitorësh.
Sipas organizatorëve, pjesëmarrësit do të notojnë 33 metra në ujë, distancë që simbolizon numrin e viteve të Jezu Krishtit. Ky ritual fetar është pjesë e traditës së komunitetit ortodoks dhe zhvillohet në kuadër të festimeve të Epifanisë.
Qendra Kulturore “Stari Kolašin” ka njoftuar se kanë nisur aplikimet për notin tradicional për Kryqin e Shenjtë, duke ftuar të interesuarit të marrin pjesë në këtë aktivitet që pritet të tërheqë vëmendje të gjerë publike.
