Prokuroria nis hetim për korrupsion ndaj Dhurata Hoxhës

Zëri qytetar

E rrezikshme: Kabllot e rrymës në mes të rrugës në “Gorimahallë”, një bager i...

Një bager i madh ka kaluar para pak minutash në lagjen e njohur si “Gorimahalla” dhe ka bërë një...

Banorët e fshatit Dedi bëjnë punë të madhe, ia ndërrojnë kulmin shkollës që u...

Banorët e fshatit Dedi kanë marrë aksion për ta hequr kulmin e shkollës që u dëmtua nga reshjet atmosferike. Sipas...

Ankohet qytetari: Asnjë mjek në vendin e punës në Pediatrinë e spitalit të Skënderajt

Papërgjegjësia e stafit mjekësor në Spitalin e qytetit të Skënderajt, ka revoltuar një pacient. Ai ka dërguar disa pamje në...

Sjellja skandaloze e zyrtares së Komunës së Mitrovicës, e fyen një 75 vjeçar që...

Para rreth një ore, një burrë i moshuar ishte ulur në karriget e zyrës së Komunës së Mitrovicës ku...

Ngriten dyshime për keqpërdorim të parave që u mblodhën për Nazlije Sherifin

Ditë më parë, vëllai i tashmë të ndjerës Nazlije Sherifi, theksoi se janë mbledhur 56 mijë e 442 euro...

Një hetim penal për dyshime për korrupsion ka nisur një prokuror i Shtetit ndaj ish-Ministres së PDK’së për Integrime, Dhurata Hoxha. Ajo po hetohet se ka keqpërdorur pozitën e saj zyrtare, në mënyrë që nëpërmjet ministrisë që e drejtonte gjatë Qeverisë së PAN’it, dy OJQ të përfitojnë nga 10 mijë Euro secila, pa u përfillur procedurat dhe ndesh me ligjin.


Dikur Dhurata Hoxha, si anëtare e kryesisë së PDK’së, porosiste bashkëpartiakët e saj se në partinë e Kadri Veselit nuk kanë vend njerëzit me që akuzohen për korrupsion. Por, një vit pas, vetë ish-Ministrja e Integrimeve po përballet me dyshime të tilla.

Prokuroria Themelore e Prishtinës, këtë javë ka nisur një hetim ndaj saj, për vepra penale që pikërisht lidhen me korrupsion.

Gazeta Online ‘Reporteri.net’ merr vesh se sipas aktvendimit për fillimin e hetimeve që Prokurori i Shtetit ka dorëzuar tashmë në Gjykatën Themelore të Prishtinës, ish-Ministrja e Integrimeve në qeverinë e PAN’it po hetohet për dyshime penale të “keqpërdorimit të pozitës zyrtare apo autoritetit zyrtar”.

Fjala është për ndarjen e mjeteve financiare të dy OJQ’ve, në shumën nga 10 mijë euro secilës, jashtë procedurave dhe duke tejkaluar kompetencat e saj si ministre.

Dy organizatat jo-qeveritare kishin përfituar nga 10 mijë euro nga një vendim i ministres Dhurata Hoxha, i marrë në vitin 2018.

Ministria e Integrimit Evropian, të cilën atëkohë e udhëhiqte Dhurata Hoxha e PDK’së, kishte shpallur thirrje publike për mbështetje financiare publike, për projekte/programe të organizatave jo-qeveritare në fushën e integrimit evropian. Mirëpo, komisioni i vlerësimit, për shkak të kohës së shkurtër në dispozicion dhe numrit të madh të aplikuesve, kishte kërkuar që të anulohet ky proces.

E pesë ditë më vonë, me vendim të Hoxhës dhe jashtë procedurave të kërkuara, ishin ndarë mjetet për vetëm dy organizata jo qeveritare, në vlerë totale 20 mijë Euro, veprimtaria e të cilave nuk ndërlidhej fare me Integrimin evropian.

Kjo aferë, që tash po hetohet edhe për dyshime korruptive, ishte evidentuar edhe në raportin e auditorit për vitin përkatës.

E sipas aktvendimit për fillimin e hetimeve ndaj ish-Ministres Hoxha, të cilin e ka parë Gazeta Online ‘Reporteri.net’, kallxim penal për këtë rast në Prokurori të Shtetit, ka deponuar ketë muaj edhe Agjencia Anti-Korrupsion.

Aty thuhet se parashtruesi i kallximit penal ka ofruar të dhëna dhe prova të mjaftueshme që implikojnë Dhurata Hoxhën në këtë rast dhe mbështetin dyshimet për korrupsion.

Aktvendimi për fillimin e hetimeve tregon se Hoxha, që para se të drejtojë Ministrinë e Integrimeve, në një tjetër qeveri kishte qenë Ministre e Drejtësisë, nga 10 mijë Euro për OJQ’të, pa përfillje të procedurave ligjore dhe duke tejkaluar kompetencat e saj, i ka ndarë me qëllimin që të njëjtat OJQ të përfitojnë dobi pasurore, duke vepruar në kundërshtim me dispozitat ligjore dhe rregulloren e Ministrisë mbi kriteret, standardet dhe procedurat e financimit publik të Organizatave Jo-Qeveritare.

- Reklama -

Të fundit

Lajme të tjera