Një femër ka raportuar në polici se i dyshuari mashkull kosovar e ka shantazhuar duke i kërkuar para.
Ngjarja ka ndodhur dje në Skenderaj, ku pas marrjes së informacionit, Policia e Kosovës ka kryer një kontroll në shtëpinë e të dyshuarit.
“Gjatë kontrollit në shtëpinë e të dyshuarit janë gjetur dhe sekuestruar, një AK-47 me 39 copë fishekë, dy pushkë ajrore, një pako diabolla, dy pistoleta me gas, dy maska, dy palë pranga, një shufër metalike, një boks hekuri dhe tre qelësa të prangave”, thuhet në raportin 24-orësh të policisë.
I dyshuari pas intervistimit, me vendim të prokurorit është liruar në procedurë të rregullt.