Zyrtarii i ATK-së në Mitrovicë, Qazim Mustafa të mërkuren është arrestuar nën dyshimin për veprën penale marrje ryfsheti.
Po ashtu bashkë me të u arrestua edhe një shtetas serb, Safet Smajoviq.
Policia konfirmoi se dy persona u arrestuan në terminalin doganor në Mitrovicë dhe në xhep e inspektorit të ATK-së u konfiskuan 135€ të dyshuara si ryshfet.
Dje Gjykata Themelore në Mitrovicë ka njoftuar se ka pranuar si të bazuar kërkesën e Prokurorisë Themelore të Mitrovicës për caktimin e masës së paraburgimit ndaj këtyre dy persona për 1 muaj.
“Gjykata Themelore në Mitrovicë, Departamenti për Krime të Rënda ka vendosur lidhur me kërkesën e Prokurorisë Themelore në Mitrovicë, për caktimin e masës së paraburgimit kundër të pandehurëve Q.M dhe S.S, për shkak të dyshimit të bazuar se kanë kryer veprën penale “Marrja e ryshfetit” nga neni 421, paragrafi 1 të KPRK, dhe “Dhënia e ryshfetit” nga neni 422, paragrafi 1 të Kodit Penal.
Gjyqtari i procedurës paraprake ka aprovuar si të bazuar kërkesën e Prokurorisë Themelore në Mitrovicë, për caktimin e masës së paraburgimit kundër të pandehurit Q.M dhe S.S dhe të njëjtëve iu është caktuar masa e paraburgimit në kohëzgjatje prej 1 (një) muaji.Paraburgimi sipas aktvendimit të pandehurëve iu llogaritet nga data 24.04.2024 e deri me datë 24.05.2024.
Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Mitrovicë.” – thuhet në njoftimin e Gjykatës Themelore.
