Reshjet e shumta të borës mbrëmjen e sotme, kanë shtuar aksidentet në rrugët e Kosovës.
Një i tillë ka ndodhur edhe para pak minutash në magjistralen Mitrovicë-Skënderaj, ku u lënduan dy persona, shkruan “Jepi zë”.
Dëshmitarët i kanë thënë gazetës se aksidenti ku janë lënduar dy persona, ka ndodhur saktësisht në fshatin Çitak.
Sipas tyre, deri tek aksidenti erdhi si pasojë e gjendjes së rrugëve të cilat janë me ngrica të mëdha.
Kujtojmë se “Jepi zë” raportoi sonte për disa aksidente edhe me të lënduar në rajonin e MItrovicës, si pasojë e kushteve atmosferike.