Një nga vendet e shenjta për besimtarët myslimanë që zakonisht është i mbushur me vizitorë është mbyllur përkohësisht.
Fotografi që u publikuan nga Reuters tregojnë se vendi është thuajse i braktisur për shkak të rrezikut të shpërndarjes së virusit vdekjeprurës.
Vendimi për dezinfektimin e xhamisë ka ardhur pasi qeveria në Arabinë Saudite, ndaloi qytetarët vendas që të kryenin rite fetare në këtë vend, pasi dhe më herët kishin urdhëruar ndalimin e të huajve nga e gjithë bota që vijnë e vizitojnë vendin e shenjtë.
Oborri i xhamisë është mjaft i populluar gjatë muajit kur kryhet rituali i Haxhi-t.
Deri më tani Arabia Saudite ka konfirmuar pesë raste me coronavirusin e ri.
Në botë tashmë janë mijëra të prekur nga ky virus.