Blindohet salla nga policët sapo sillet në gjykatore i akuzuari Shaban Gogaj

Publikuar më:

Gjykata Themelore pritet që pas pak minutash ta shpall aktgjykimin për rastin ku Shaban Gogaj akuzohet nga Prokuroria Themelore e Pejës për vrasjen e 29-vjeçarit nga Deçani, Agonis Tetaj, në vitin 2018.


Pak para se të fillojë procesi, Gogaj është sjellë i prangosur në sallën e gjyqit, ndërkaq shihen edhe një numër i madh i policëve të cilët po qëndrojnë brenda gjykatores, shkruan Reporteri.net.

Gogaj po akuzohet edhe për veprën penale të armëmbajtjes pa leje, ashtu sikurse edhe i pandehuri Isuf Cacaj.

Pas rikualifikimit të veprës penale nga prokurori i Prokurorisë së Gjilanit, Agron Uka, nga vrasje e rëndë në vrasje nga pakujdesia, i akuzuari Shaban Gogaj, në seancën e 16 marsit, e ka pranuar fajësinë për veprën në fjalë.

Kryeprokurori i Shtetit, Aleksandër Lumezi, ka kërkuar nga trupi gjykues të mos e shpallë shqyrtimin gjyqësor të përfunduar, por të marrë prova të tjera të nevojshme, të cilat sipas tij do ta zbardhin tërësisht të vërtetën në këtë çështje penale-juridik, si dhe ka vendosur që të ricaktojë prokurorin e ri për këtë lëndë.

JU REKOMANDOJMË