Kandidati për kryeministër, Bedri Hamza, ka përkujtuar sot me respekt dhe krenari sakrificën e të rënëve të Reçakut. Ai ka theksuar se Kosova, e forcuar nga dhimbja, nuk do të ndalet në përpjekjet për drejtësi dhe për mbrojtjen e të vërtetës historike.
“Si simbol i përpjekjeve tona për drejtësi dhe si kujtesë kolektive për gjeneratat e reja, do ta ndërtojmë Memorialin e Gjenocidit në Kosovë,” ka deklaruar Hamza, përcjell Jepi zë.
Ai ka theksuar se e vërteta e popullit të Kosovës do të mbetet e paprekur dhe e mbrojtur për brezat që do të vijnë.