Gjendja në Qendrën e Mjekësisë Familjare në fshatin Koshtovë të Mitrovicës është e mjerueshme.
Muri i mbushur me myk, çatia e zbuluar, banjo në gjendje të mjerueshme e mure të çara, mund të shihen edhe me sy të lirë në këtë Qendër ku kontrollohen deri në 20 pacientë në ditë.
E kryetari i Komunës, Agim Bahtiri, premtoi se në Koshtovë do të ndërtohet një ambulancë e re.
“Ka shumë që janë renovuar, në Koshtovë ka me u ndërtu e re… Do të përfundojë vitin e ardhshëm“, tha Bahtiri.
Ndërkohë, “Jepi zë” ka raportuar për gjendje të rëndë edhe në Emergjencën e Mitrovicës, mirëpo në gjendje edhe më të mjerë janë institucionet që janë në përgjegjësi të Ministrisë, si Pediatria dhe disa pjesë të Spitalit Rajonal.