Para pak çastesh është shkaktuar një aksident në fshatin Palaj te Obiliqit.
Sipas dëshmitarëve që kanë dërguar video në “Jepi zë” nga vendi i ngjarjes, ka pasur lëndime të personave dhe dëmtime të veturës.
Në aksident kanë qenë të përfshira një autobus dhe një veturë e tipit Golf III, ndërsa në vendin e ngjarjes kanë dalur edhe Policia e Kosovës.
Duhet theksuar se me të filluar reshjet e borës, janë shpeshtuar edhe aksidentet e trafikut.
Ndryshe, Policia e Kosovës vazhdimisht po bën apel të bëhet kujdes gjatë ngasjes së automjeteve, pasi ngricat e krijuara mund të jenë të rrezikshme.