Një aksident ka ndodhur para pak minutash në rrugën “Shemsi Ahmeti” në Qendër të Mitrovicës.
Mësohet se një person ka përfunduar në spital, pas goditjes që mori, shkruan “Jepi zë”.
Sipas dëshmitarit dhe fotografisë, motoristi është marrë nga autoambulanca pasi ka marrë lëndime.
Ndërkohë, Policia në vendin e ngjarjes po merret me hetim të shkaqeve.
Duhet theksuar se vetëm dje ndodhën dy aksidente ku ishin të përfshirë motoristë.
Ndryshe, dje një 66 vjeçar vdiq në një aksident të rëndë në fshatin Kçiq.