Një aksident i rëndë trafiku ka ndodhur rreth orës 14:00 në magjistralen Mitrovicë-Prishtinë.
Sipas Policisë, në aksidentin në Nadakovc, janë lënduar 4 persona, shkruan “Jepi zë”.
Lajmin e ka konfirmuar për “Jepi zë”, zëdhënësi Avni Zahiti.
“Një aksident trafiku me të lënduar ka ndodhur rreth orës 14:00, në rrugën nacionale Mitrovicë-Prishtinë, segmenti rrugor fshati Nadakovc, dy vetura të përfshira, si pasojë e aksidentit katër(4) persona kanë kërkuar tretman mjekësor”, ka thënë Zahiti.
Duhet theksuar se ditët e fundit ishin të zeza për Mitrovicën dhe rrethinën, ku vdiq një person dhe shumë të tjerë u lënduan në aksidente.
