Ish-kryetari i Mitrovicës, Agim Bahtiri ua ka kushtuar një postim asamblistëve të Lëvizjes Vetëvendosje.
Bahtiri përmes këtij postimi ka uruar asamblistët e VV-së për detyrën.
Ai u ka dhënë leksione që të jenë të bashkuar e të lidhur fort me njëri-tjetrin në opozitë, shkruan “Jepi zë”.
Bahtiri tha se çdo përjashtim, çdo largim apo çdo përçarje është në kundërshtim me votën që e kërkuan dhe me premtimet që i dhanë.
Ky reagim i ish-kryetarit erdhi pasi Kryesia e Vetëvendosjes përjashtoi tre asamblistët të cilët votuan për kryesuesen e Kuvendit Komunal nga PDK-ja, Vesa Broja.
Postimi i plotë:
Të dashur asamblisitë të Vetëvendosjes,
Më lejoni që edhe publikisht të ju uroj secilit prej juve detyrën e marrë, e cila buron nga populli dhe i shërben popullit.
Më pastaj dua të ju kërkoj në emrin e mijëra votuesve, që të gjithë të jeni të bashkuar, të lidhur fort me njeri-tjetrin për të bërë opozitë të pakompromis në të mirë të qytetarëve të Mitrovicës.
Çdo përjashtim, çdo largim apo çdo përçarje është në kundërshtim me votën që e kërkuam dhe me premtimet që i dhamë.
4 vite shkojnë shpejtë në opozitë, 4 vitet e tjera opozitën apo pozitën do ja siguroni ju subjektit në të cilin jemi, subjektit nën flamurin e të cilit qëndrojmë.