Djaloshi i ri dhe premtues i futbollit kosovar, Belgin Jashari, ka pasur nderin të takohet me një prej yjeve më të mëdhenj të futbollit tonë, Amir Rrahmani.
Ky takim simbolik përfaqëson hapin e parë drejt karrierës së tij të suksesshme në futboll.
Belgini, i cili ishte së bashku me gazetarin e mirënjohur të sportit, Arlind Sadikun, shpreh dëshirën dhe përkushtimin që të ndjekë hapat e Amir Rrahmanit dhe të arrijë suksesin në arenën ndërkombëtare, duke përfaqësuar me krenari Kosovën.
Futbolli është më shumë se një lojë — është një mjet që bashkon njerëzit, dhe në këtë sport nuk ka vend për racizëm. Të gjithë duhet të mbështesim talentet e reja dhe të promovojmë respektin dhe solidaritetin në fushë.