Këshilltarja e Bashkimit Evropian, Kati Schneeberger, ka bërë të ditur se deri tani janë bërë mbi 16 mijë nënshkrime në peticionin e nisur nga ajo për liberalizimin e vizave për Kosovën.
“Tani është koha e liberalizimit të vizave për Kosovën. Stop diskriminimit të padenjë! Stop izolimit të Kosovës!””, ka shkruar Schneeberger në Twitter.
Ajo dje ka bërë të ditur se i ka dërguar një letër presidentit francez Emmanuel Macron, të cilit i ka kërkuar liberalizimin e vizave për Kosovën, si dhe i ka dërguar peticionin me nënshkrime.
